NAGISING si Damian na medyo madilim pa rin sa labas. Bumangon na siya sa kanyang kama at isinuot ang lab gown. Isang baril ang kinuha niya sa aparador at isinuksok niya iyon sa tagiliran ng kanyang pantalon. Lagi niyang dala ang naturang baril dahil pwede niya iyong magamit sa mga hindi inaasahang pagkakataon.
Gusto pa sana niyang kumain pero nasasabik siyang masilayan muli ang kanyang obra kaya naman naglakad na siya papunta sa basement.
Habang naglalakad papunta roon ay nag-iisip siya kung ano ang ipapagawa niya kina Jessa. Kaya kayang tumalon ng mga ito? O di kaya ay tumakbo? Naku-curious tuloy siya sa kung ano pa ang kayang gawin ng kanyang napakagandang obra!
Narating na niya ang saradong pintuan papasok ng basement. Kinapkap niya nag susi sa bulsa ng lab gown at nang makuha niya i
