Palihim na napairap si Jasmin nang makitang halos ipatong na ni Ms.Sarmiento ang sarili kay Harry. Naroon sila sa restaurant kung saan naganap ang meeting ng dalawa. Alam niyang assistant siya ni Harry ngunit pakiramdam niya ay hindi naman siya kailangan doon. Hindi man lang nga itinago ng babaeng ito ang disgusto sa mukha nito nang makitang dalawa sila ng amo niyang dumating doon.
Maging siya naman ay nagulat nang sabihin ni Harry sa kanya na isasama siya nito sa meeting nito with Ms. Sarmiento. Ang buong akala kasi niya ay date iyon, lunch date dahil may paregalo pa ang boss niya bago ang nakatakdang meeting na iyon.
Ngunit base sa nakikita niya, mukhang umasa lang din ang babaeng ito kay Harry dahil hindi niya kakikitaan ng interes ang amo para sa babae. Palihim niya nang pinasadahan
