Napatayo si Jasmin nang makita ang lalaking palapit sa kanila. Kasunod nito ang isang lalaking nurse. Naramdaman niya na hinawakan ni Harry ang kanyang siko. Pinaparamdam ng lalaki na naroon ito at nakasuporta sa kanya.
"Kuya," tawag niya sa lalaking nasa harapan na nila ngayon.
Tumingin ito sa kanya at pagkatapos ay nalipat na ang tingin sa katabi niyang si Harry. Marahil ay kinikilala nito ang kasama niya.
"Kuya..." mahina niyang tawag muli sa nakatatandang kapatid.
Habag na habag siya sa itsura nito. Humpak ang mga pisngi, nangitim at napakapayat ng kapatid niya. Kung may maganda mang nagbago rito ay malinis na ang mukha nito na halatang alaga sa ahit.
"Jasmin," anito sa mahinang boses.
Gusto niyang umiyak nang marinig ang boses ng kapatid. Matagal na nang huli nitong bigkasin ang
