Gusto niya ulit kurutin ang sarili habang minamasdan si Harry sa baba ng kanilang bahay. Kausap nito ang papa niya sa loob ng kanilang bakuran at nakaupo sa kahoy na upuan doon na mas matanda pa sa kanya.
Hindi pa rin siya makapaniwala sa mga ipinagtapat nito sa kanya. Sino ba naman kasi ang magsasabi na magkakagusto sa kanya ang isang Harry Montenegro? Kung noong mga bata pa lang sila ay hindi niya iyon masyadong naiintindihan, iba na ngayong may edad na sila at boss niya pa ito.
"Hindi 'ko na nga pala siya boss dahil nagresign na ako," bulong niya sa sarili.
Ngunit hindi pa naman ito pumapayag. Kung ganitong nagtapat na ito sa kanya, ano na sila? At ano ang magiging set up nila?
"Sandali nga. Bakit ba ako isip ng isip ng ganito, eh wala pa namang sinasabi si Harry kung ano kami? At a
