Hindi mapakali si Jasmin habang nakaupo sa kanyang kama. Kaalis lang ni Harry kahapon pagkatapos ng ilang araw nitong bakasyon sa kanila. Kahit na hindi naman nila sinabi ay alam niyang alam na ng magulang niya kung saan na nakarating ang relasyon nilang dalawa kaya naman tumutol na ang mga ito nang sabihi ni Harry na sa isang hotel sa bayan ito mananatili habang naroon ito sa kanilang bayan. Sigurado daw ang mga ito na hindi magiging komportable roon si Harry dahil hindi naman kalakihan ang mga hotel sa bayan.
"Magpapakasal naman kayo. At sigurado kaming mahal na mahal ka ni Harry," sabi ng Mama niya. "Isa pa ay hindi na kayo mga bata. Nararapat lang na bigyan niyo na kami ng apo habang kaya pa naming mag-alaga."
Namula siya sa sinabi nito. Nakita niyang ganoon rin ang naging reaksyon n
