CHAPTER 66
Hindi na ako bumaba sa room ni Bullet at nanatili na lang kami sa loob habang siya ay nag-order na lang ng maiinum. Nandito kami nakaupo sa sofa at parehong hindi mapakali. Mula kanina ay hindi ko na siya kinausap pa. Hanggang ngayon ay naiinis pa rin ako sa kanya. Sino rin ba ang hindi magugulat sa mga pinaggagawa niya at pinagsasabi niya?
Kahapon lang ng may nangyari sa ‘min ng bigla siyang nagpropose ulit. Ano ba dapat ang maging reaksyon ko? Pagkatapos ng mga pinagdaanan namin ay parang gusto niya pang sumagot agad ako sa gusto niya. Hindi lang ‘yun dahil nag propose pa siya sa kalagitnaan ng paglalampungan naming dalawa. Tapos ano? Nagagalit siya dahil hindi ako sumagot tapos ay umalis siya at pumunta rito. Ngayon na nagkita kami rito ay aakusahan niya ako.
Bakit?
