"GOOD MORNING, RANDAL!" bati sa akin ni Gabay. Nasa kusina na pala ito. Mukhang maaga na naman nagising ang isang 'to.
"Kamusta tulog mo? Pagod ka 'no?" tanong ko sa kaniya nang kumuha ako ng isang basong tubig. Hinanap ng mga mata ko si Juliana. Hindi ko man lang ito makita. Imposibleng natutulog pa ito. Samantalang si Gabay ay nasa labas na.
"Hinahanap mo si, Ate Juliana?" tanong sa akin ni Gabay.
"Oo. Tulog pa ba siya?" tanong ko naman sa kaniya.
"Kanina gising na siya. Pero may ginagawa lang yata sa silid namin. Gutom ka na ba? Gusto mo bang tawagin ko siya?"
"Huwag na. Hayaan mong magpahinga ang Ate Juliana mo.."
"Pero gising na siya kanina pa. Hindi ko lang alam kung ano ang ginagawa niya."
"Okay lang. Hihintayin na lang natin siya, para matanong kung ano ang gusto kong kaini
