Lian's POV
Pinagkukuskos ko ang mga palad ko at pagkatapos ay idinidikit ko sa aking magkabilang pisngi. Gano'n lang ang ginagawa ko mula nang sumakay ako ng train papuntang Busan. Paano'y sobrang lamig! Naninigas na ako sa sobrang ginaw. Suot ko naman ang jacket na ipinahiram sa akin ni Ericka kanina bago ako umalis. Ang kapal-kapal na nga nito pero tagusan pa rin ang lamig.
Pero kahit na gano'n, nag-eenjoy pa rin ako sa mga tanawin na nakikita ko habang nasa byahe ako. Ang ganda, sobrang ganda. Dati pangarap ko lang na magpunta rito sa Korea, ngayon totoong nandito na ako. At para mas ma-enjoy ko ang byahe kong ito, kinuha ko ang earphone ko at sinalpak ito sa cellphone ko, saka ko inilagay sa may tainga ko. Pagkatapos ay nakinig ako ng music. Syempre, 4SBLUE songs. Iyon lang naman ang
