Lian's POV
"(Anong nangyari do'n?)" Narinig kong sabi ni Jae Hee nang makapasok na ako sa loob. Syempre, hindi ko iyon naintindihan.
"Mukhang badtrip." Saad naman ni Nico. Si Justin marahil ang pinag uusapan nila.
"Anong problema?" Tanong sa akin ni Jed. Napansin na pala niya ang presensiya ko.
"Huh?" Simula kanina ay tila ba natutuliro pa rin ako.
"Nag-away ba kayo?" Tanong ulit ni Jed sa akin.
"Hindi—" Sandali akong natigilan. Nag-away ba kami ni Justin? Nagalit siya kasi tumawag sa akin si Mark kaya niya sinabi na ayaw niyang may kinakausap akong ibang lalaki kapag kasama ko siya.
"Hindi?" Tanong ni Jed na naghihintay pa ng sasabihin ko.
"Hindi ko.. alam." Tanging naging tugon ko na lamang.
Sa totoo lang, parang lutang pa rin ako dahil sa mga huling pahayag na binitawan sa akin
