-Kea-
Masakit ang ulo ko ng magising ako at nagtataka pa nga ako kung nasaan ako ngayon dahil mukhang hindi ako pamilyar sa lugar o kuwarto na aking kinaroroonan ngayon. Binalot ako ng kaba at takot hanggang sa mapagtanto ko kung paano nga ba ako naririto. Hanggang sa naalala kong nasa loob ako ng bahay ni Cindy at may binigay itong tubig sa akin at ilang sandali pa ay narito na ako sa isang lugar na hindi ko alam kung saan. Ayokong mag-isip ng hindi maganda para sa kaibigan ko pero mukhang may kinalaman ito at kung bakit ako ngayon naririto, labis naman akong nag-alala na baka tumawag sa akin si Summer at baka kung ano rin ang isipin nito ngayon dahil sa hindi ako nito makontak. Nasa ganoon akong pag-iisip ng makita kong nagbukas ang pintuan ng kuwarto at nakita ko ang bulto ng isang lal
