Chapter Eighty Eight
Noong nagsimula nang kumain ay tanong sila nang tanong kay Benjamin kung anong oras kami aalis mamaya.
“Ang alam ko po kasi Sir, bukas na ang fiesta,” ani Leng. “Mamaya meron po sigurong pageant mamaya. Baka pwede tayong manood?” tanong pa niya.
Nagkatinginan kami ni Jasmine pagkatapos ay sabay kaming lumingon kay Benjamin. “Can we watch the pageant?!” malakas na tanong namin.
Sinamaan kami ng tingin ni Benjamin. “Don’t shout,” supladong sabi niya.
Sabay naman kaming napanguso ni Jasmine na tila mga asong pinagalitan. Pinagtawanan lang kami nina Mary.
“Can we watch?” mahinhing tanong ko ulit.
Tinignan ako ni Benjamin. Nagkatinginan kami at maya-maya pa ay tumango siya. “Fine,” he said. “Doon na lang tayo maghahapunan. We’ll go at 5 pm,” aniy
