Matapos makipag-usap sa team ay agad na pumasok si Mika sa opisina niya. Nakalimutan na niya ang inis sa binata at masayang pumasok. Pagpasok niya ay nakita niyang nakaupo na si Rick sa upuan nito hawak ang ballpen habang seryosong nagbabasa.
Paglingon niya at paglapit sa desk ay may flowers ulit sa table niya. Nakita niya ang card at agad niya itong kinuha. Pagbukas niya ay hindi siya nagkamali sa hinala dahil galing nga talaga ang flowers at card sa binata. Binasa niya ang laman ng card at natuwa siya sa mensahe.
***
You look beautiful every day
***
"Hindi mo na ‘ko kailangan pang padalhan ng flowers." wala sa loob na sabi ni Mika sa binata pero deep inside ay kinikilig ito.
"Bakit? Kaya ba ayaw mong sabihin ang tungkol sa 'tin ay dahil kay Frank? Pabigay-bigay ka pa ng cookies..."
