Mula sa van at sa private boat nila hanggang pagdating sa resort ay naka-alalay si Rick sa kanya. Para siyang prinsesa na pinagsisilbihan. Naiilang siya dahil nakatingin ang ilang mga empleyado sa kanila pero hindi niya mapigilan ang puso niya na magsaya. Pagdating ng resort ay ibinigay na sa kanila ang kanya-kanyang kwarto.
"Welcome to El Nido Haven Resort!" bati ng mga staff ng resort sa kanila. Nilapitan sila at isa-isang sinabitan ng lei sa leeg at binigyan ng welcome drink ang bawat bisita. Nang lumapit ang manager ng resort ay agad nitong hinanap si Christy dahil siya ang in-charge sa reservation.
"Hi! Ms. Christy? I'm Cielo, the resort’s manager. Puwede na po namin i-serve ang lunch niyo. Pero bago po ‘yon ay puwede niyo na pong ilagay muna ang mga gamit niyo sa mga rooms. Para ma
