Tahimik silang pareho habang lulan ng taxi pauwi sa bahay nito. Madilim na sa labas at maulan na nung lumabas sila ng hospital.
Hindi pa rin maiwasan ni Kristine na makaramdam ng matinding hiya at pagkailang sa lalaki sa atrasong nagawa niya at naabala pa niya ito dahil sa pagdala sa kanya sa hospital dahil sumakit ng matindi ang puson niya kanina. Ewan ba niya kung bakit siguro dahil sa matinding gutom at gulat sa reaksyon nito kanina kaya siya na-stress at dahil nga sa pagbubuntis ay masyado siyang nagiging sensitive.
"Do you want to eat?" Pormal na tanong nito sa kanya kapagdaka.
Napapalunok siya sa labis na hiya kay Calvin. Pakiramdam niya ay masyado na niya itong naabala.
"H-hindi pa kasi ako kumakain mula kaninang umaga."Saad niyang kinapalan na ang mukha dahil talagang hindi na
