"Ate, ate! nandiyan si kuya Jordan." sunod-sunod na lang ang naging pagkatok ni Alissa sa kanyang pintuan.
Kunot noo na lang na binuksan ni Cassady ang pinto, naroon pa rin ang hindi maipintang mukha niya nang humarap sa mga kapatid dahil sa tampong nararamdaman.
"Ate, ano nangyari kay kuya? parang naging zombie," nanlalaking matang tanong na lang ni Sander.
"Ha?" lalong busangot niya na lang habang humahalukipkip.
"Ate, ang daming pasalubong ni kuya," biglang litaw naman ni Martin mula sa likod ng dalawa pang nakatatandang kapatid.
"Sige, baba na ako." Nakasimangot na tango niya na lang sa mga ito.
Binalingan niya muna ang sarili kung nangangalumata pa siya mula sa magdamag na pag-iyak. Nang makasigurong ayos na siya ay walang kagana-gana siyang bumaba. Napalitan lang iyon ng gulat
