Isang malalim na buntong hininga na lang ang pinakawalan ni Cassady nang muling balingan ang kanyang relo. Magdadalawang oras na pala siyang naghihintay sa labas ng kainan ng masasakyan pero parang napaka-ilap ng mga taxi at napakahirap mag-book ng masasakyan. Nakadagdag pa sa probelma niya ngayon ang biglaang pagbuhos ng malakas na ulan.
Hindi niya na rin pa tinawagan si Jordan dahil sigurado niyang tatakasan nanaman nito ang trabaho sa oras na malaman ang kalagayan niya.
Ilang oras pa lang kasi mula ng babaan niya ito ng telepono ay nagpaulit-ulit ito sa pagtawag at nagtatanong kung kamusta na siya at kung naka-uwi na ba siya. Ayaw niyang magulo nanaman ang deadline ng kasintahan sa pagkakataong iyon kaya nagsinungaling na lang siya na ayos lang siya.
Kaya naman kahit nilalamig at pa
