Parang namandhid na lamang ang buo niyang pakiramdam nang makita ang mga taong naroon. Hindi niya naisip na kailangan niya pala na pumorma ng husto para sa naturang trabaho, Maliban doon ay halatang angat sa kanya ang nakararami sa paligid dahil na rin sa ganda ng mga suot at ang iba pa nga ay may kanya-kanyang pamalit base sa hinihingi ng mga direktor roon.
Kaya naman hindi na naging surpresa sa kanya nang hindi siya makuha sa naturang trabaho na kanyang inaasahan.
Ganoon na lamang ang pagyuko niya habang naglalakad paalis sa naturang gusali, nangangalumata at nanghihina na siya dahil sa kawalan ng pag-asa at lungkot na nadarama, wala na nga siyang naging paki-alam na sumuong sa ulan dahil na rin sa tila sobrang pagkatuliro. Kahit ang mga malalamig at malakas na patak ng tubig ay wala
