"Ma, pasensya na po sa abala, sayang po kasi itong opportunity pang dagdag bayad rin po sa bills ni tatay sa hospital." Yukong pakiusap niya na lang dulot na rin ng konsensya sa pagsisinungaling sa kanyang mama.
"Wag kang mag-alala anak, wala naman ito." Isa-isa na lang kinuha ng mama niya ang mga gamit ni Asher.
Ngayong araw kasi nila napagkasunduan ni Jordan na umalis, para sa nais nito. Napaki-usap niya nanaman ang anak sa ina at mga kapatid kaya wala na siyang alalahanin.
"Ate!" masayang bati na lang ni Alissa.
Kadadating lang nito sa bahay at may dalang isang paper bag ng mga donuts. Mabilis niya na lang itong sinalubong, kasunod ng paghahanap ng picture sa kanyang telepono.
"Issa. Ipaliwanag mo nga sa akin ito." Angat niya na lang sa naturang kuha. Minabuti niya na ang luma
