Wala siyang mukhang maiharap sa kapatid matapos ng nangyari sa opisina nito. Hindi tuloy siya makatingin ng tuwid kay Alissa dahil sa matinding hiya habang kasama ito.
"Ate, bakit ka sumugod ng ganoon sa opisina ni kuya?" maktol sa sermon ni Alissa habang nagtutupi ng mga damit.
"Akala ko kasi ano na nangyari sa iyo, hindi na kasi kita matawagan after mo sumigaw," depensa niya na lang sa nangyari.
Napalingon na lang si Alissa sabay nanlaki ang mga mata sa kanya. "Tumawag ako?" di makapaniwalang saad nito.
"Oo. Ano ba kasi nangyari," siya naman ang nagsermon dito, kung hindi kasi sana sa tawag na iyon ay hindi siya susugod ng ganoon sa opisina nito.
Napairap na lang ito sabay wasiwas ng buhok na halatang medyo kinikilig.
"Nabundol kasi ako nung isang ka officemate ko, ayun, bagsak ang
