Abby’s POV
Kinaumagahan.
I was having breakfast with my family ngunit wala si Mommy at si Shine. Mas piniling samahan ni Mommy si Shine sa kwarto niya dahil ayaw nitong lumabas at sumabay kumain sa amin sa dining table lalo’t kasama si Daddy. Kaya nagdala na lang ng pagkain si Mommy sa kwarto ni Shine para sabayan itong kumain doon.
Ang tahimik. Tanging tunog ng kutsara’t tinidor ang maririnig sa dining table. Ramdam ko ang bigat sa paligid. Nakakapanibago dahil nasanay kaming laging may pinag-uusapan tuwing sabay-sabay kaming kumakain. Si Daddy lagi niya kaming kinukumusta, sa school, sa buhay, pero ngayong sobrang tahimik niya.
Panaka-nakang tiningnan ko si Daddy. Bakas sa kanyang mukha, may malalim siyang iniisip. Dama ko rin ang bigat na dinadala niya.
Kay bilis kong binaling mu
