Abby’s POV
“Now get the hell out before I f*cking lose it!” Mahina ang pagkakasabi niya, ngunit dama ko yung pinipigilan niyang galit para sa mga kaibigan. Hindi ko mapigilang makaramdam ng kaba bigla. Pakiramdam ko kasi anumang oras mananapak na ‘to, kaya bago pa man mangyari iyon ay pinigilan ko na siya.
“Caleb…” Tawag ko sa pangalan niya, sabay hawak sa braso niya upang awatin siya. Kailangan kong pumagitna at pakalmahin siya dahil baka magkagulo bigla dito sa loob ng library.
Kay talim ng mga titig ng kaibigan niya sa kanya habang ‘yung tatlong iba pa’y hinihila na nila ang nakaalitan ni Caleb paalis, ngunit imbes na sumunod ay nilapit pa niya ang mukha kay Caleb na para bang hinahamon niya ito. Bahagyang umangat ang isang gilid ng labi nito, ngumisi na may kasamang pang-aasar.
