Abby’s POV
“Goodnight, Caleb.”
Pagkapindot ko ng send button ay nilapag ko sa table sa gilid ng kama ko ang phone. Tinaas ko ang mga paa sa kama at pumailalim sa comforter. Humiga ako at tumagilid. Pinikit ko ang mga mata ngunit ‘yung scene na nakasakay ako sa motor at nakayakap kay Caleb ang agad na nag-flash sa isip ko.
Muli’y naramdaman ko ‘yung pagliparan ng mga butterflies sa puson ko. Tandang-tanda ko pa rin ‘yung pakiramdam na nakayakap at nakadikit ang katawan ko sa kanya habang sumusunod ang katawan ko sa bawat kurbada niya.
Nagmulat ako ng mga mata at tumihaya. Napatitig ako sa kisame. Hirap na tuloy akong makatulog ngayong naalala ko ‘yung maikling sandaling iyon.
“D*mn you, Caleb!”
Pero isa rin sa tumatak sa ‘kin ay kung paano ko na enjoy ng sobra ‘yung maikling kalaya
