Abby’s POV
“Na tayo na?” Tugon ko.
Tila parang tumigil ‘yung mundo niya saglit na para bang pinoproseso pa ng utak niya ang sinabi ko. Napakagat-labi ako dahil 'di ko alam kung anong nasa isip niya habang nakatitig sa kanyang mukha, habang hinihintay ang sasabihin niya.
"Caleb?" Untag ko na sa kanya nang ilang segundo ay nanatiling tahimik siya.
“Tayo na?” Ulit niya nang makabawi habang unti-unting lumiliwanag ang mga mata niyang hindi nilulubayan ng tingin ang mga mata ko, tila sinusuri kung seryoso ba ako, kung totoo ba ang sinasabi ko o nagbibiro lang ako.
“Tayo na?” Parang tangang ulit ko muli.
Wala sa sariling nailagay niya ang kamao sa kanyang bibig kasabay ang pagsilay ng ngiti. Agad na rumehistro ang sobrang tuwa sa mukha. Tila hindi makapaniwala. Kahit ako ma’y hirap rin
