HERA
GAYA ng ipinangako ko kay daddy ay bibisitahin ko sila ni mommy kasama si Daniel para makilala na nila.
Daniel is so tensed. Kanina pa siya walang imik at parang namumutla. Siya rin dapat ang mag-da-drive ng kotse pero inako ko na at baka maaksidente lang kami.
"Is this your first time?" Nakangiting tanong ko sa kaniya.
"Honestly, yes. Wala namang ibang babae sa buhay ko kundi ikaw lang at si mama. Ito pa lang ang unang beses na haharap ako sa magulang ng isang babae.. at 'yon ay magulang pa ng babaeng minamahal ko." May nginig sa boses niyang sagot sa akin. Hindi ko alam kung kikiligin ako sa linya niya o kakabahan na lang sa itsura niya. Butil-butil na ang pawis niya sa noo at mamasa-masa na rin ng pawis ang long sleeves niyang kulay sky blue.
"I think dapat nagdala tayo ng e
