DANIEL
DUMATING kami sa mala-palasyong tirahan ng mga magulang ni Hera. Alam ko namang galing talaga siya sa mayamang pamilya pero hindi ko inasahan na ganito pala sila karangya ang pamumuhay.
Lalo akong nanliit sa sarili ko. Isang literal na prinsesa si Hera na nagma-may-ari ng isang palasyo pero pumatol sa tulad kong walang sariling bahay at kinukulang pa sa mga gastusin ang sinasahod.
Kung ayawan man ako ng mga magulang niya ay sisiguruhin kong ipaglalaban ko siya. Nakatitig lang ako sa karangyaan na nasa harapan ko nang magsalita siya.
"Tatayo ka na lang ba diyan?" Inis nitong tanong sa akin. Ramdam ko pa rin na masama ang loob niya dahil sa ginawa ko. Sino ba namang lalaki ang may kahihiyan sa katawan ang hindi mahihiya na ginagastusan ng girlfriend? Lalo pa at mamahalin ang bi
