DANIEL
Masama ang loob kong bumalik sa kwarto ni mama. Buong buhay ko ay inunawa ko sina mama at papa sa mga desisyon nila kahit hindi ko na maintindihan at sobra na akong nahihirapan. Ayaw kong magalit sa kanila hangga't maaari. Gustuhin ko mang ipagtanggol sila sa parents ni Hera pero hindi ko alam kung papaano dahil nakakahiya ang naging asal ni mama. Sa halip na humingi siya ng despensa sa paglagay kay Hera sa ganoong sitwasyon ay nagmataas pa siya.
"Anong ginagawa mo dito? Akala ko ba ay sinundan mo ang biyenan mong hilaw?" Paasik na tanong ni mama sa akin. Nanatili lamang akong nakaupo at tahimik.
"Ganoon pala ang mga magulang niya. Porke may pera sila basta-basta na lang susugod dito para pagsabihan ako. Hindi naman siya ang tumutulong sa gamutan ko, ah? Mabuti na lang hindi nagm
