DANIEL
"Ang totoo po kasi kaya kami nakipag-meet sa papa ko ay dahil nakakausap pala niya si Hera nang hindi ko alam. Hindi po agad sinabi sa akin ni Hera."
"At ano naman ang kinalaman ng mama mo?"
"Tinanong po namin si papa kung saan niya nakuha ang number ni Hera at ang sabi po niya ay binigay daw po ni mama."
"Puwede bang maging direct to the point ka na lang? Parang paligoy-ligoy ang explanation mo at mukhang may itinatago ka."
Napalunok ako ng ilang ulit at namamawis na rin ang aking mga palad dahil sa mataray na reaksyong ipinapakita sa akin ngayon ng mommy ni Hera.
"Ang totoo po kasi..."
"Ano nga ang totoo?! May kinalaman ba ang mga magulang mo sa pagkaka-kidnap sa anak ko? Iyon ba ang totoo na hindi mo masabi?"
Hindi ko alam kung bakit pero parang trinaydor ako ng sar
