Chapter 55
HERA
PAGBABA ko sa sala habang kalong si baby para paarawan ay kapansin-pansin ang tahimik na mansion. Wala ang malalakas na tawanan at yabangan ng mga tauhan ni Venice.
Kakaunti ang bantay na nakikita ko. Dali-dali akong tumingin sa labas at tiningnan kung nasaan sila. Dalawang van ang nakaparada at nagsisakay ang karamihan sa mga bantay ng mansion. Mukhang may lakad sila o baka may bagong ipinagagawa si Venice.
Nang makaalis ito ay naglakad-lakad ako habang kalong ang anak ko. Kung may makakakita sa akin at sitahin ako ay idadahilan ko na pina-aarawan ko ang anak ko.
Ang una kong pinuntirya pagkaalis ng mga van ay ang gate. Naiwan lang itong nakabukas pero may dalawang bantay.
Isang ideya ang pumasok sa isip ko. Kung walang mga bantay ay ito na ang magandang pagkakatao
