NAPATIGIL SI Ellie, nanlaki ang mga mata. Ramdam niya ang t***k ng pusong nagwawala sa dibdib. Amoy niya ang cologne ni Kyo. Unti-unti siyang lumambot at hinayaan ang sarili na sagutin ang halik. Napakapit siya sa kwelyo ng suot nitong polo, hinahabol ang hininga sa bawat pagdikit ng mga labi nila.
Gumalaw ang kamay ni Kyo, marahang humawak sa kanyang panga. Hinaplos nito ang pisngi niya gamit ang hinlalaki. May lambing sa gitna ng halik na iyon. Nang tuluyan silang maghiwalay, parehong humihingal.
“Alam mo talaga kung paano ako patatahimikin, ha?” bulong ni Ellie.
Ngumiti si Kyo at marahang inayos ang nagulong buhok niya.
“That’s because you never listen,” tugon nito.
Napatawa si Ellie. “Siguro kasi masyado kang maingay.”
Natawa rin si Kyo, sabay halik sa noo niya.
