Hindi mapakali si Samantha habang pinagkikiskis ang kanyang mga palad. Her eyes scanning the luxurious penthouse. Ngayon lamang siya nakapasok sa ganitong lugar. Ang mamahaling mga kasangkapan, ang malalaking bintanang mula sahig hanggang kisame, at ang mga modernong obra sa dingding ay tila tahimik na nagbubulong ng yaman at kapangyarihan. Pakiramdam niya ay hindi siya nababagay sa ganitong lugar.
Sa kabilang banda ay nakatayo si Raim sa harap ng bintana. Nakatalikod ito sa kanya habang nakatanaw sa tanawin ng lungsod sa ibaba. Tahimik lamang ito na para bang walang kasamang ibang tao sa silid. Lalong lumakas ang kabog ng dibdib ni Samantha dahil sa katahimikan.
“Mr. Elizalde… R-raim,” mabilis niyang itinama ang sarili at pilit na pinapakalma ang boses. “Akala ko pag-uusapan natin ang
