NAKAPAG-DRIVE na rin si Faith sa wakas ng sarili niyang kotse, pero nakabuntot lang naman sa kanya ang sasakyan ni Yuan. Mas maganda na ito nang hindi sila nahahalatang magkasama at magkasabay palagi.
Ito ang unang araw na magtatrabaho siya as executive secretary ni Yuan, excited siya pero kinakabahan. Iba naman kasi ang sitwasyon nila kapag nasa opisina sila.
Tiningnan niya ang schedule na binigay sa kanya ni Yuan, sabi nito ay siya na ang bahalang magpaalala sa lalaki ng mga appointments nito. Napapailing si Faith sa nakikitang listahan nito, halos sa boung maghapon ay marami itong appointment, puro telepono na lang ang hawak ng lalaki at kapag nasa labas naman ng silid nito ay palaging may kausap naman ito sa cellphone. Kapag lumabas naman ito ng gusali ay tiyak na may ka-meeting ito.
