SABADO ngayon, maaga pa lang ay nasa unit na niya si Yuan. Ito na nga ang naghanda ng kanilang almusal. Pagkatapos ni Faith magsalang ng labahin ay naglinis siya. Nagpresinta ng tulong ang lalaki pero tumanggi siya, minsan lang naman niya itong gawin sa isang linggo. Kaya walang nagawa ang lalaki kundi ang maupo sa sala at manood ng TV habang hinihintay siya.
“Baby, hindi ka pa ba tapos?” patingin-tingin ito sa kanyang ginagawa.
Napalingon siya sa lalaki. Napansin niya na tila wala itong ganang manood ng TV. Hindi niya alam kung naiintindihan ba nito ang pinanonood at panay lang ang tingin sa kanya.
“Patapos na. Bakit? Nagugutom ka na ba? Ano bang gusto mong meryenda?” tanong niya habang tinatapos ang pagpunas sa may mesa. Tapos na rin siyang magsampay kaya nilapitan niya at umupo sa ta
