PAGDATING SA unit niya ay halos mahimatay si Penelope sa labis na hingal dahil napakabigat ni Elijah. Nahiga agad ito sa kama. Mabuti na lamang at hindi ito nagsuka. Kundi mas mahihirapan siya.
Pero pawisang-pawisan ito at parang naulanan ang damit nito dahil doon. Bumuntong-hininga siya.
"Hindi mo naman mamasamain kapag hinubaran kita, diba?" Parang tanga na kausap niya sa sarili.
Hinubaran na nga niya ang binata at doon ay pinunasan ng maligamgam na towel ang kabuuan nito.
Napaungol ito. Natigilan si Penelope nang makita kung gaano kagandang lalaki si Elijah. Napalunok at napaiwas ng tingin. Hindi. Hindi pwede. Hindi pwedeng maakit siya kay Elijah. Not this time!
Pinagpatuloy niya ang ginagawa kahit napakahirap. Dumilat ito at saglit na naghinang ang mga mata nila.
Muli ay paran
