MATULIN PANG lumipas ang mga buwan. Palaki na ng palaki si Hope. Malapit na rin ang nakatakdang pagpapakasal ni Red at Penelope. Date na lang ang kulang. Hindi na muling nagkaroon pa ng lakas ng loob si Elijah na kausapin si Penelope tungkol sa huling naging paguusap nila. Nahiya na rin siguro siya dahil alam naman niyang malaki rin ang pagkukulang niya sa dalaga.
Ngayon ay nasa business trip si Penelope kasama si Red. Nasa kanya ngayon ang anak dahil friday naman na. Kapag ganitong araw ay talagang na sakanya ang anak.
Ganoon pa rin ang set-up nila. Hati sa pag-aalaga kay Hope at wala naman na silang problema ng dalaga. Maliban sa puso niya…
Natutulog na siya nang mahimbing nang biglang magising sa pag-iyak ni Hope. Hindi iyaking bata si Hope bagama’t kinumpirma ng Doctor na malusog it
