SA MGA sumunod na linggo ay mas tumindi pa ang pagseselos na nararamdaman ni Elijah kay Red. Paano, halos hindi na mapaghiwalay ang mga ito, kung nasaan ang isa, naroroon din ang isa. Kaya naman nagngingitngit ang kalooban ngayon ni Elijah.
Hindi na nga rin niya maintindihan ang sarili. Sa totoo lang, wala naman na dapat siyang ikagalit kay Penelope. Binigay na nito sa kanya ang karapatan na makilala at makasama ang anak. Hindi na ito nangingialam at talaga namang suportado na ito sa pagpasok niya sa buhay ni Hope.
Kaya ano nga ba itong nararamdaman niya? Hindi ba’t dapat masaya na siya? Bakit iba ang nararamdaman ng puso niya? Hindi pa rin siya lubusang masaya. Tila may kulang sa kanya na hindi niya mapangalanan. Oo’t thankful siya na masusubaybayan niya ang paglaki ni Hope. Pero ba
