"HINDI AKO makapaniwalang hiniling niya sa akin 'yon, Red!" nanggagalaiting sigaw ni Penelope kinabukasan. Tinutukoy niya ang pagpunta ni Elijah kinagabihan at ang pagsabi nitong gusto nitong makilala ang anak.
Nakatingin lang sa kanya si Red. Kumpara sa kanya, kalmado ang itsura nito at tahimik lang. Sinusundan lang siya ng tingin. Pabalik balik kasi siya sa paglalakad. Hindi mapalagay.
"Ano ba ang kinakagalit mo, Pen?"
Sinikmatan niya ang nobyo. "Kailangan pa bang tanungin 'yan, Red? Siyempre, hinihiling niyang makilala siya ni Hope!"
Napailing sa kanya si Red at tumayo. Inakbayan. Pilit siyang pinare-relax. "Sa totoo lang, hindi ko makita ang dahilan para magalit ka sa kanya. Siya ang totoong ama ni Hope. Biological father siya. May karapatan siya noong una pa lang na makilala ang a
