BIG DEAL para kay Red ang makasali sa pinakamalaking motocross event ngayong taon na ginanap sa Cavite. He was not getting any younger anymore. Ngayong taon ay puro mga nasa early twenties pa lang ang kalaban niya samantalang siya ay malapit na sa mid-thirties. Ni hindi na nga niya inaasahan na makakasali pa siya ngayong taon sa event. Paano ay pumalpak siya sa huling dalawang laban niya roon sa mga nakaraang taon. Out of five contestant, he ended up being in the number four spot. May pakiramdam siya na nawawala na ang calibre niya sa paborito niyang sport na motocross.
Bata pa lamang ay fascinated na si Red sa mga sasakyan. Namana niya siguro iyon sa ama. Mekaniko ang Tatay niya at noong bata pa siya ay madalas siya nitong isinasama sa trabaho nito. Hindi para sa turuan siya o
