Kinabukasan nagising siya sa mga sigawan mula sa labas ng silid nila. Mabilis siyang tumayo at tumakbo palabas ng silid.
"Nay!" tawag niya at mabilis na tumakbo sa labas ng pinto nang makita ang Nanay at mga kapatid na nakikipagtalo sa labas.
"Wala kayong karapatan paalisin kami rito! Kayo ang umalis!" sigaw ng Ate Joan niya sabay bato pa ng lagayan ng basura.
"Ate, Nay anong po'ng nangyayari?" tanong niya at nilapitan ang Nanay niya na nakaupo lang sa tabi habang sigaw nang sigaw ang Ate Joan niya at Ate Lanie.
"Ano po bang nangyayari?" tanong niya ulit at ginala ang paligid. Wala ang Kuya Erwin niya at ang Ate Grace niya.
"Umalis na kayo!" sigaw ng Ate Lanie niya at pinagtutulakan ang dalawang lalaki palabas ng gate.
"Pag kayo nadatnan pa ng amo namin mamaya lagot kayo!" banta ng i
