Kanina pa siya paroo't parito, hindi siya mapakali. Alas siyete na ng gabi, wala pa rin ang Ate Grace niya at nakakasigurado siyang wala rin si Mr. Del Castillo sa bahay ng mga ito. Ano na lang mangyayari pag tinotoo ni Aiden ang banta nitong ito mismo ang magpapalayas sa kanila rito sa bahay? Ano na lang kung kaladkarin siya palabas ni Aiden? Anong mararamdaman niya pag nangyari iyon?
"Mella! Tumigil ka nga ng kalalakad dyan!" sita ng Ate Joan niya.
Sinabi niya ang pagbabanta ni Aiden sa mga ito. Ang mga nangyari sa tapat ng eskwelahan kung saan sinadya talaga siyang hintayin ni Aiden sa labas para lang pagbantaan. Sinabi niyang lahat sa mga kapatid.
"Asaan na ba kasi si Ate Grace?" tanong niya at sumilip sa relo sa dingding. Mag a-alas siyete kinse na.
"Gaga din kasi ang babaing yan
