Present.
"Mella, kumusta naman ang unang araw mo sa Del Castillo Resort?" tanong ni May nang makasabay ito sa school cafeteria.
"Ok lang," tipid na sagot niya. Ayaw sabihin sa kaibigan na unang araw pa lang niya, pinapalayas na siya ni Aiden. Inaasahan naman niyang mangyayari iyon, pero hindi sa unang araw.
"So ano, nakita mo ba si Aiden Del Castillo roon?" excited na tanong nito at siniko pa siya. "Narinig ko bumalik na raw siya sa San Miguel, at ito na raw ang magma-manage sa resort nila, alam mo bang si Aiden Del Castillo ang topic ng mga guest sa VincElla Hotel," paliwanag nito.
Hindi siya sumagot. Tinuon ang pansin sa kinakain na pancit, pero di naman niya nalalasahan na dahil na kay Aiden ang isip niya. Matapos ang nangyaring insidente sa kanila ni Aiden kahapon, tila naulit ang
