Noong araw na ‘yon ay nagkabati na kami ni Zendrick. Nalaman ko rin no’n na nagkausap na sila ni Daddy. Gustuhin man ni Daddy na sumabay sa family dinner namin, iniiwasan naman ni Daddy na pagtsimisan kami ng mga empleyado. Nalaman ko rin na totoong binigyan siya ni Daddy ng cash incentives dahil sa ginawa niyang pagligtas sa akin doon sa lasing na guest.
Ngayon ay gaya ng nakasanayan, sabay kaming pumasok sa eskwelahan. Pagkapasok namin ay agad kaming sinalubong nina Liam, Alex, at Dave. Nakipag-apir-an pa kami sa isa't isa saka nagkaroon ng kaunting kwentuhan tungkol sa nangyari sa weekends namin.
Magtatanong pa sana ako kung nasaan sina Marky at Ate Heidi ngunit bago pa man iyon lumabas sa bibig ko'y nasagot na ang mga katanungan ko.
"Lumingon kayo. Bilis," utos ni Liam kaya agad r
