Napahinto ako sa pintuan nang may marinig akong kalabog sa loob ng opisina ni William. Alam kong wala siya roon dahil nasa conference room pa siya, sa board meeting. Nabuo sa utak ko ang isang pagdududa nang ilapit ko ang aking tenga sa pintuan. Narinig ko pa ang ilang mga kaluskos. Kinabahan akong bigla.
‘Mukhang may mali..’ Dahan-dahan kong pinihit ang doorknob.
Pinilit kong huwag gumawa ng ingay upang hindi masyadong mapansin kung may kahina-hinala ngang tao sa loob. Kaagad kong sinilip ang siwang na aking nagawa. Nakita ko ang isang nakatalikod na babae na abala sa kung anong hinahanap sa desk ng C.E.O.
Napakunot-noo ako. ‘Anong hinahanap niya? Mukhang files yata..’
Binuksan ko ng malaki ang pintuan. Napatda siya nang makita ako. Maging ako ay nanlaki ang mga mata nang mapagsino an
