Sobrang sakit ng ulo ko.
Iyon ang nararamdaman ko habang pinipilit na idilat ang mata. Naiiyak ako. Hindi ko alam kung bakit.
Sinubukan kong igalaw ang daliri ng paunti-unti, hanggang sa maimulat ko pati ang mga mata ko. Blurred pa nga noong una. Pero unti-unti rin namang luminaw.
Puro puti ang nakikita ko. Akala ko nga nasa heaven na ako kung hindi ko lang narinig yung mahinang pag-beep no'ng mga aparato na nasa gilid, 'yon bang may line na zigzag. Tapos may nakakabit din sa kamay ko.
Napalunok ako pero wala namang laway. Biglang sumakit yung lalamunan ko. Gusto ko ng tubig pero hindi ako makagalaw, ang hina-hina ng pakiramdam ko.
"Tu...big..." garalgal na bulong ko.
Bumukas yung pinto at sumalubong sa paningin ko ang isang batang lalaki na sa tingin ko ay mas matanda sa akin ng ila
