"Chloe, nasa sala si Sica. Hinahanap ka."
Napanguso ako. Nakatitig lang ako kay Kuya habang nakadapa sa kama at nilalaro yung lollipop na nasa bibig ko. Bumuntong-hininga ako. "Sabihin mo tulog ako."
"Siraulo ka ba?" Umismid siya. "Sinabi ko na sa kanyang kanina ka pa gising."
"Sabihin mo nakatulog ulit ako."
"Ano bang problema mo?"
Hindi ko sinagot yung tanong niya. Hay! Bakit ba ang hirap niyang pakiusapan? Kaasar, eh. Masyadong loyal sa bespren niya. Paano naman akong kapatid niya? Ang cute ko kaya! Dapat mahabag siya!
"Hoy, Chloe, kapag ikaw hindi pa bumangon, papupuntahin ko talaga si Sica rito!" banta niya.
Tiningnan ko siya nang masama. "Ang epal mo kamo!" Naiinis na sagot ko, "Umalis ka na lang! May work ka pa, 'di ba? Isabay mo sa pag-alis si Sica. Bahala kayo."
Nakita ko
