Kunot ang noo na pinanood ko si Kuya habang nagpapaguwapo sa harap ng salamin. Anong meron? At talagang dito pa siya sa kwarto nag-aayos, ah. Kinagat-kagat ko ng marahan yung lollipop na nasa bibig ko. "Kuya, sinong pupormahan mo?"
Ngumiti siya nang malaki. "May date ako."
Exaggerated na suminghap ako. Niyakap ko pa si Doraemon na natutulog sa lap ko, nagising tuloy. "Sinong nagayuma mo, Kuya?"
"Sira."
"Joke lang," Hagikhik ko. "Ganda kaya lahi natin."
Hindi na siya umimik pagkatapos no'n. Ano ba 'yan. Hindi kaya malagas yung hair niya kakaayos? Nakailang suklay na siya ng buhok, ah.
"Kuya?"
"Oh?"
"Matagal na kayong magkaibigan ni Sica, 'di ba?"
Nilingon niya ako nang nakakunot ang noo. "Oo, bakit?" Hay, sa wakas, huminto na rin siya sa pagsusuklay.
"Hindi ko kasi matandaan kung
