"Ate Shayna, ano iyong pinag-uusapan nyo kanina ni Kuya?"
Mula sa pagtingin-tingin sa paligid ay bumaling si Shayna kay Gelo. Naririto na sila ngayon sa mga resort ng Magsaysay sa San Juan, La Union. Ayon kay Gelo kanina, isa ang resort nila sa mga dinarayo ng local at international na mga turista dito sa aming probinsiya. Maganda at maluwang naman talaga ang resort nila kaya maraming bisita ang dumarayo rito. Marami nga silang nagkasalubong kanina nang pumapasok sila.
Ngayon ay naririto na sila sa pool area. May mga turista na ring ine-enjoy ang pools. Halos sampu yata na magkakaibang luwang na pools ang nadaraanan nila bago nakapili si Gelo ng isa. Nakaupo sila ngayon ay nanunuod lang habang hinihintay ang pananghalian nilang ipinahanda ni Neil na kanilang pagsasaluhan.
"Ah, nagbibi
