“Ayos ka lang? Nagdala ako ng tubig kung sakaling nauuhaw ka, ha?” ani July kay Yasmin. Ito pa mismo ang nagayos ng upuan niya na kanina pa siya hirap i-recline. Dahil doon ay muli na naman niyang nasamyo ang nakakakilig nitong bango. Napapapantasya tuloy siya ng wala oras.
Naipilig niya ang ulo at lihim na nagmasid dito. In fairness, talagang maasikaso ito. Napapansin niyang parang likas iyon dito. Ngumiti siya rito ng matapos na nitong maiayos ang upuan niya. Mabuti na lamang ay iilan lang ang bumibiyahe kaya nakasakay sila agad at nakahanap ng magandang puwesto. Ayaw kasi niya sa likuran dahil madali siyang mahilo.
Sinamahan siya nitong magpaalam sa mga tiyahin pagkatapos siya nitong sunduin sa eskwelahan. Dahil sa assurance na binigay nito sa dalawang matanda ay sumangayon ang mga
