Super like ko ang CR…
Kuntentong nagbabad sa bathtub si Yasmin habang umaawit. Malaki ang CR sa silid na iyon. Kumpleto pa iyon sa gamit. Kung tutuusin7, malaki ang buong bahay ng mga Raffel sa Maynila. Parang mansion sa laki, nagbibigay impresyong hindi lang basta mayaman si July kundi ubod ng yaman.
Hindi halata iyon sa lalaki dahil sa resort na tinitirahan nito. Hindi iyon kamahalan. Sa tingin niya ay hindi talaga maluho si July at natutuwa siyang makita iyon. Kahit ubod ito ng yaman ay nananatiling nakatapak ito sa lupa maging ang mga magulang nito.
Nang dumating sila doon ilang araw nang nakakaraan ay nabanggit ng mga magulang nito ang tungkol sa negosyo. May malaking pabrika pala ang mga ito sa Laguna at ang main office ay sa Makati. Bukod pa doon, may malaking negosyo pa ang a
