Isang simpleng bestida ang suot ni Yasmin. Hanggang gitnang binti ang haba noon at kulay cream. May kaunting manggas pa rin iyon at conservative ang tabas.
Ang gabing iyon ay mamamanhikan ang mga magulang ni July. Malapit ng dumating ang oras at hayun ang dalawang matanda, hindi na mapakali kahit ayaw magpahalata.
Napagusapan na nila ni July ang lahat. Whirlwind romance ang nangyari at sa beach sila nagkakilala at kung anupang detalye na magiging importante sa mga magulang din nito dahil sadyang mausisa din daw ang dalawa.
Nabanggit nito sa kanyang nawalan ito ng trabaho. Umamin itong nagalaw nito ang pera ng kumpanya kaya ito inalis ng ama at nauunawaan niya na wala nga naman itong pambabayad dahil wala naman ito maaaring pagkuhanan.
Naubos daw ang lahat ng pundar nito dahil nalulon
