Napakamot ng ulo si July. "I am just trying to make you smile. Napakasuplada mo naman..." Anito saka marahang na5pailing. Saglit itong natahimik at nagisip nang malalim. Minuto ang lumipas bago ulit ito nagsalita. "Gusto mong sabihin ko na niloob kita at sa huli, naghalikan tayo? Sa tingin mo maniniwala sila?" nanantyang tanong nito kapagdaka.
Namula ang buong mukha ni Yasmin. Bagaman wala itong intensyong pahiyain siya ay parang napahiya pa rin siya. "Eh, 'yun naman ang totoo!" angil niya.
Napakamot ito sa sentido. "Okay, okay. I know that but we don't have any choice. Iyon ang nakikita kong matalinong gawin ngayon."
"Kasalanan mo ito!" aniyang nanggagalaiti rito. "Alam mo, problema ka, eh. Bakit ka ba nagtatago, ha? Sige, sabihin mo nga," hamon ni Yasmin. Iyon ang pinanggalingan ng
